Search

O comezo.

Updated: May 24

Comezar un negocio nos tempos que corren pode ser unha actividade de risco: ou vas polo camiño fácil pedindo un crédito ou xa podes ter moitos cartos aforrados,e non era ningunha destas opcións o noso caso.


A nosa historia comezou aló polo 2015; o traballo xa era escaso e andavamos a buscar unha alternativa a estar visitando día si e día tamén as oficinas do inem sen obter ningún resultado, coma cremos que vos pasa a moit@s. A sensación de sair da oficina sen traballo pode ser moi deprimente e incluso che faga pensar que é culpa túa, "craso error", a culpa non é nosa,non eliximos quedarnos no paro senón que nos votan a él coma se foras un xoguete roto que xa non vale.


Que dicir, ainda por riba nos acababamos de mudar de piso pra un que tiña a avoa, sí somos tamén afortunados nise aspecto (pois o aluguer estabase a facer imposibel) e nunha pequena habitación que tiñamos e algúns palets rescatados do lixo xa iamos creando algún moble pro noso novo fogar.


O traballo non acababa de aparecer e inda menos nun pobiño duns 15.000 habitantes no que case todo o mundo traballa na canteira de pizarra, e nós, a verdade, non nos gusta ise traballo e inda menos a pegada ecolóxica que iste conleva. A cousa non pintaba moi ben, os aforros ianse coma se papel do baño se tratase o tirar da cadea ,peeero un día....



Un bo día máis ben, a avoa con todas as ganas do mundo de axudarnos, díxonos: "por que non ides mirar no baixo que temos ali na praza, a ver se atopades algo que vos poda valer pra vender e así conseguir uns euriños?", e asi foi, cando entramos no baixo vimos que aquelo debeu de ser un taller, pois non nos imos enganar, tiña as paredes pintadas coma tal.

Por alí non había moita cousa salvo un coche vello da familia, un citroën palas, e sexamos realistas, non críamos que puideramos sacar moito del.A nosa sorpresa chegou cando abrimos unha pequeniña oficina que tiña no seu interior o taller ( xa non baixo senón taller) e alí atopamos, coma se dun tesouro dos máis preciados se tratase, unhas ferramentas todavía nas suas caixas orixinais e sen utilizar.Pois un pouquiño de todo, unha serra circular, unha de calar , un cepillo , un router ou fresadora unha mesa de traballo pra serra, e pensamos "esto ten que ser un sinal", un taller e ferramenta coma se nos estivera a decir " veña a que esperades pra comezar".


De boas a primeiras, a idea de vender toda esa ferramenta convertiuse en "pois deberiamos facer algo con todo isto", sempre se nos deron ben os traballos manuais ainda que case nunca utilizáramos ningunha daquelas ferramentas en traballos anteriores. O primeiro que se nos ocorreu foi cambiarlle os enchufes, por que aínda non volo dixemos, pero todo iste material viña de Australia, e claro, esta tiña enchufe de alí o cal aquí non vale.


E así con entre mesas improvisadas con caixas e tablóns, pouca luz e moito pó comezou a nosa andaina coma artesáns que somos a día de hoxe.